我嘅積分旅程其實開始得好早——2002年已經開咗Aeroplan戶口。不過當時對「儲分換機票」完全冇概念，甚至試過因為戶口太耐冇郁而擺到過期，直接損失咗一張多倫多來回紐約嘅機票，真係超級可惜。
靠住間唔時搭吓飛機，我儲咗15年先換到第一張長途獎勵機票：多倫多 > 福岡 > 首爾 > 多倫多。當時好開心，但都覺得儲分好似太慢、唔值得花心機，之後就冇再理。
📉 當年用嘅信用卡大多數都係免年費 cashback 卡，最叻都係儲吓 PC Optimum 去換咗過千蚊雜貨。因為怕麻煩同驚唔記得找數，用來用去都係嗰幾張卡，冇認真研究其他玩法。
直到2023年，因為朋友介紹，我開咗人生第一張Amex Cobalt卡——一張可以1:1轉分去Aeroplan嘅卡，由嗰一刻開始，我先真正走入「信用卡儲分換機票」嘅世界。
🔁 我開始認真啲研究分數系統、迎新優惠同信用卡玩法，分數增長速度快到我都估唔到。由完全新手，到兩年間已經換到以下機票：
✅ 兩套加航多倫多來回拉斯維加斯
✅ 一套國泰來回香港 + 日本
✅ 一套長榮來回台北
✅ 一張長榮單程香港 → 台北（stopover）→ 多倫多
📌 全靠開卡迎新 + 精明消費，唔使碌爆卡，就可以換到咁多次旅行。唔係因為我特別勁，而係——用啱方法。
我呢個新手都做得到，你都可以！
想跟住我一步步學點樣儲分換機票？
📍即刻follow我：
🔗 wordpress-1564334-6077830.cloudwaysapps.com
📸 IG／Threads／Facebook：@wordpress-1564334-6077830.cloudwaysapps.com
