上回講到Wise嘅外幣戶口功能，但如果已經有免外幣交易手續費嘅信用卡，去旅行又需唔需要Wise呢？
👉相關連結：https://wordpress-1564334-6077830.cloudwaysapps.com/wise-account/
我自己就覺得：兩者其實係互補，而唔係二揀一。
🧳 我去旅行點揀付款方法？
我自己去旅行，如果可以用信用卡，我都會揀用信用卡。點解？因為可以儲分，又有購物保障，仲唔使帶咁多現金出街。
日日袋晒啲現金出去，成身錢又驚自己論盡；擺喺酒店，每日拎少少出街，又有啲唔放心。加上而家啲信用卡有啲已經可以免外幣手續費，仲可以清楚睇返旅行期間嘅消費，真係冇乜理由唔用。
不過，去旅行唔可能完全唔使現金，例如：
- 扭蛋、夾公仔
- 地道食店可能只收現金
- 交通卡要用 cash 增值
呢啲時候，Wise 就可以幫到手。
📲 Wise 有咩咁方便？
Wise 嘅戶口本身就支援多種貨幣，基本上你可以：
- 預先用好匯率換定想用嘅貨幣（例如日圓、歐元）
- 一個 app 睇曬所有貨幣戶口，幾時換、換幾多自己話事
- 匯率夠透明，冇隱藏收費
- 可以設定自動兌換，到價即換，唔使自己日日盯住個市
- 出街用實體卡／加落 Apple Pay 當 Visa debit 咁用
🔁 我點用 Wise 鎖匯率？
舊年我知道自己今年會去日本，見到加元對日圓有一排去到 1 CAD = ¥110，就喺 Wise 設定咗 auto conversion，想要嘅價到咗就自動幫我兌換。
結果真係自動幫我換咗一筆，去到我今年出發嗰陣，加元其實已經跌到 ¥103。但我提款時攞嘅日圓，其實係之前 ¥110 嗰陣換定嘅，真係幫我慳咗唔少。
🏧 提款都好方便，每月仲有免費額度
Wise 每個月可以提款 $350 加幣等值嘅現金，唔收 Wise 自己嘅手續費，淨係要畀當地 ATM 嘅使用費（例如日本多數係 ¥220）。
如果你平時大部分開支都用信用卡，其實呢個免費提款額度對普通旅遊已經好夠用。
例如我哋一家四口今年去日本 10 日，提咗三萬幾円，主要都係用嚟扭蛋或者幫襯小店，基本上好夠洗。
💳 咁唔提款，直接用 Wise 卡付款得唔得？
得！其實 Wise 出咗實體卡同虛擬卡，用法同普通 debit card 一樣，可以加落 Apple Pay／Google Pay。
只要你 Wise 戶口入面有足夠貨幣（例如你要喺日本用，就要有日圓），咁你：
- 用實體卡／手機付款
- 係以你儲定嗰個貨幣付款
- 冇任何兌換手續費
- 唔駛再自己換嚟換去，冇 hidden fee
如果你戶口入面冇該貨幣，佢都會自動幫你兌換，不過會收一個透明、超低嘅轉換費。
🧠 總結：信用卡配 Wise，相輔相成
簡單講，如果你有：
✅ 一張免外幣手續費信用卡 → 用嚟刷卡付款、儲分
✅ 一個 Wise 戶口 → 鎖定靚匯率、提款、或者當 debit card 用
兩樣配合，旅行時就可以更彈性、又安全、又慳錢。
🎁 用我呢條連結開 Wise，有優惠！
開戶仲有優惠：首 $800 加幣免手續費兌換！
👉 https://wordpress-1564334-6077830.cloudwaysapps.com/wise-referral
