《Chexy 介紹：交租、交物業稅賺信用卡分，1.75% 手續費抵唔抵？》

每個月最大舊錢係邊幾樣？租、物業稅、按揭。偏偏呢幾樣平時碌唔到卡，一分都賺唔到。Chexy 就係幫你將呢啲賬單變成信用卡消費嘅工具 — 你碌卡，佢幫你交。呢篇講清楚佢點運作、收幾多、幾時抵、幾時唔抵，仲有一個限時 referral bonus（12 月 31 號截止）。

Table of Contents

Chexy 係乜

Chexy 係多倫多嘅加拿大 fintech。你喺 Chexy 設定好賬單、碌信用卡，Chexy 就用 e-Transfer、PAD 或者 bill pay 幫你將錢交俾收款方。重點係：業主、物管公司、市政府唔使登記，唔使知你用 Chexy，佢哋照常收到一筆銀行付款。交租一般要提供租約。

交到嘅賬單包括：租、物業稅、入息稅（CRA、Revenu Québec）、水電、學費、保險、condo 費、托兒等等。市政府物業稅方面，Chexy 仲可以直接接駁好多市政府嘅稅務系統，自動拉返你嗰期要交幾多，唔使自己逐個數字入。

好簡單，一個 flat fee：加拿大 Visa、Mastercard、Amex 一律 1.75%，國際卡 2.5%。確認付款之前，畫面會顯示實質手續費，冇其他隱藏收費。Chexy 會提早幾日碌你張卡，確保賬單準時到賬；set 好一次之後可以 autopilot，每期自動交。

用 Amex 嘅小貼士：喺搜尋結果入面揀 Chexy 數據庫驗證過嘅收款方會快啲，冇咁易俾人 pause 低覆核；有機會要你上傳租約或者 invoice，預先準備好。

計法得一條：你張卡喺呢個類別賺返嘅價值，大過 1.75% 先抵。

以 $2,000 租為例，手續費係 $35。如果你張卡喺呢筆消費賺到嘅回贈價值高過 $35，呢單就賺；低過，就係倒貼。

呢個一定要講明，否則會害到人。以前好多人用 Scotia Momentum Visa Infinite+ 經 Chexy 交租交稅，因為嗰張卡嘅 recurring bill 類別有 4% 回贈，對住 1.75% 手續費淨賺 2.25%。

2026 年 10 月 22 號起，呢個玩法已經完結。Scotia 將租、家居開支、condo 費、物業稅、入息稅呢幾類由 4% 跌到 1%。用 $2,200 租計：

所以唔好再用 4% 嚟計呢幾類。不過留意，同一張卡嘅水電、車租、托兒、學費、保險、電話等類別暫時仲維持 4%，嗰啲交法唔受影響。

Chexy 最近新出按揭付款：按揭供款用銀行戶口扣數（唔係信用卡），每 $1 賺 1 Aeroplan 里，手續費同樣係 1.75%，幾乎全加拿大嘅 lender 都得。

計法要講清楚：你係用 1.75¢ 成本買 1 里。呢筆錢本來一分都賺唔到，而家至少有里入賬；但值唔值，最終睇你點用啲里 — 換到高價值機票就值，換平嘢就可能打和甚至蝕。唔好當佢係免費里。

我自己都用 Chexy 交 Markham 物業稅 autopay，市政府嗰邊照常收到，唔使每期人手搞。設定一次之後，基本上唔使再理佢。

Chexy 唔係免費午餐，係一件工具。手續費 1.75% 係硬成本，回贈係發卡銀行決定，唔係 Chexy 話事。碌之前計清楚自己張卡喺嗰個類別賺幾多，計得掂先用；為咗賺分而碌，仲要每月找唔清卡數畀利息，就本末倒置。

以下係我嘅 referral link，經 link 加入對你冇額外成本，我會收到 referral bonus：

平時嘅 referral 係咁：經 referral link 加入，喺手機 app 完成第一筆付款，你同朋友各得 $25 Chexy Cash（2026 年 10 月 27 號起由 $20 加到 $25）。

而家仲有個限時 Referral Boost（2026 年 11 月 1 號至 12 月 31 號）：

另外，介紹得多仲可以長期降手續費：介紹 3 人降到 1.5%，5 人降到 1.0%，10 人降到 0.5%（每年 $50,000 優惠消費額上限）。

留意返：Chexy Cash 唔係現金，唔可以提現或者轉讓，只可以抵之後喺 Chexy 嘅付款；要用嘅話，記得喺碌卡之前（約到期前 4 個工作天）redeem 咗先。

YMMV：回贈由發卡銀行決定，唔係 Chexy 話事；碌卡前確認自己張卡點計呢類消費。每月找清卡數，唔好為咗賺分畀利息。